O Programa MaB, Man and Biosphere, da UNESCO naceu
en 1971 co obxectivo de atopar un novo sistema de relacións entre sociedade e a
natureza. Desde os seus inicios, o Programa MaB, pretendeu conservar especies e
ecosistemas a través da convivencia respectuosa entre o ser humano e o seu
medio, diferenciándose doutras figuras de protección. Esta visión, que na
actualidade no soa estraña, foi innovadora fai 40 años, cando este programa propuxo
unha visión inédita da relación entre a sociedade e natureza que dúas décadas
despois se denominou desenvolvemento sostible.
As Reservas da Biosfera están presentes a
nivel mundial en máis de 110 países. España presenta un total de 42 Reservas da
Biosfera das cales catro están presentes no territorio galego. Son lugares onde
se traballa polo mantemento da biodiversidade e da diversidade cultural e
promovendo un desenvolvemento social e económico respectuoso co medio ambiente.
A Casa das Insuas, en apoio a esta figura de
protección e co gallo de que o centro se sitúa na Reserva da Biosfera de Terras
do Miño, teremos á disposición dos visitantes a exposición que o Centro
Nacional de Educación Ambiental ten dispoñible para percorrer de maneira
itinerante as diferentes zonas que presentan Reservas da Biosfera. Hoxe mesmo,
realizouse a inauguración da exposición coa visita á Casa das Insuas de Francisco
Fernández Montes, alcalde de Rábade, e Sonsoles López Izquierdo, deputada
responsable da área de medio ambiente da Deputación de Lugo.
A exposición poderá visitarse os fins de
semana ata o 5 de xuño en horario de 11:30 a 13:30.
